Freia Premium - Heavenly Dark! 2. plass i 8. runde. Foto: Ann Helen Krogsæter

John veit å gi oss utfordringar, og nest siste runde i konkurransa vår vart ei stor utfordring for mange. Kun 13 bidrag kom inn, og det var veldig varierande kvalitet. Alle bilda vart vist og kommentert, både av John og av medlemmane. Også denne runda var det dei tre fotovenene i utlandet som avgjorde resultatet.

Resultatlista og dei 10 beste bilda finn du i forumet og i bildegalleriet.

Sjå også omtale under Konkurransar.

Det vart fundert litt på kvifor mange syns det er så vanskelig med konkurranse og kreativitet. Er det mangel på kunnskap? Det er mange ferske fotografar i klubben, så det er nok viktig både med tolmod og øvelse. Mange er ikkje vant til å gi eller ta imot bildekritikk, men start i det små. Sei kva du likar eller ikkje likar med eit bilde, og bruk kritikk du sjølv mottar til å lære. Fotokonkurransa dreiar seg ikkje først og fremst om å vinne, men er derimot eit ledd i å bli ein bedre fotograf. Vi skal rett og slett bruke det vi har lært.