Skodje fotoklubb har blitt invitert til å stille ut bilde under kunst- og handverksmessa på Vatneeidet 22.- 23. oktober 2016.

Klubben stiller ut 22 bilde. Desse viser ulike typer motiv, m.a. delikate landskapsbilde frå nærområdet vårt med forskjellige stemningar og varierte lysforhold til meir kunstneriske motiv. Her er noko for einkvar smak.

Folk frå klubben vil vere til stede under heile messa. Her kan du diskutere foto, medlemsskap i klubben, få informasjon om kva vi driv med, men ikkje minst - du kan gjere eit godt kjøp på eit eller fleire av bilda.

Der er mange dyktige medlemmer i fotoklubben. Det viser dei gode resultata vi har oppnådd i ulike konkurransar innan foto. Fleire har henta heim gull- sølv- og bronsemedaljar, NM-tittel og spesialprisar. Samanlagt har klubben vore blant dei aller beste i landet i norgesmesterskapa sidan oppstarten i 2010.

Ta turen til Eidet Kulturhall i helga. Opningstida er 11 - 17 laurdag og 12 - 17 søndag.

Vatne og Tennfjord musikkorps arrangerer messa, som er ein årleg tradisjon.