Dramatisk lys på Vigra. Foto: John Colbensen

Hester i snøstorm i Spjelkavika. Foto: Geir Jartveit

Godøya og Breisundet i abstrakt form. Foto: Kenneth Enstad

Tre av klubbens medlemmer er i disse dager aktuell i en flott fotobok med bilder fra den vakre landsdelen som vi er så heldige å bo i. Boka heter Art of Sunnmøre.

De tre fra klubben er John Colbensen, Geir Jartveit og Kenneth Enstad. Totalt ti lokale fotografer viser Sunnmøre på sin spesielle måte, og de begynner sitt kapittel med sin personlige beskrivelse av Sunnmøre.

Et sitat fra omslaget av boka sier det meste om den:

"
Beauty is in the eye of the beholder…

Even though, sometimes, beauty is indisputable. Like a light-touched drop of morning dew, the region of Sunnmøre is just pure, tranquil beauty.

This book is here to show you the indisputable truth about the beauty of Sunnmøre. Close your eyes wide open and feel the legacy of the inspiring Nordic light.

Breathe
"

Årets julegavetips? :) Boka er å få kjøpt i flere lokale bokhandlere, samt på nettet. Forlaget er Akademika Publishing, og boka gis ut av svenske Fredrik Sigurdh som ville vise den flotte landsdelen som han er så stolt av å bo i.

Klikk på linken på forrige side om du har lyst til å lese mer om boka.

Tekst: Monica Elise Vestre

1. plass til Geir Jartveit med dette bildet

Første runde i NM for foto/film er juryert, og dommen er kjent. Skodje Fotoklubb gjorde en veldig bra prestasjon som klubb - 4. plass sammenlagt. Det var også nokre sterke individuelle plasseringar.

Av prestasjoner individuelt er det verdt å merke seg ein 1. plass til Geir Jartveit og 2. plass til Kenneth Enstad i klassen Projeksjon Monokrom. Kenneth oppnådde også 2. plass i klassen Monokrom: Både Geir, Kenneth og John oppnådde dessutan hederleg omtale.

I alt 16 arbeid vart antatt.

Gratulerer til både klubb og enkeltmedlemmer.

Den komplette lista over resultat i klubben finn du her.

Tekst: Arnold Hoddevik

Flow av Monica Elise Vestre

Namafjall av Hilde Sørdal

Life and death av John Colbensen

Novembermøtet til Skodje fotoklubb hadde Island som tema. Tre av klubbmedlemmane har i løpet av siste månadane vore ein tur til Sagaøya. Sist torsdag skulle dei fortelle og vise eksempel på kva dei vart fasinerte av, på denne fantastiske øya.

Først ut var Monica Elise Vestre som viste litt av det du kan få med deg i den sørlege delen av landet. Vakre naturbilde frå kysten og innlandet viste at fargane og lyset på Island både er intense og skiftande.

Så var det underteikna sin tur. Turen vår gjekk med bil langs Rv 1 med start og stopp i Reykjavik. 11 dagar på ein slik rundtur er eit minimum, men du får då med deg dei mange ulike landskapsformene og naturfenomena som er særeigne for Island.

Til slutt var det John Colbensen som gjennom sin bildeserie og fortelling presenterte både dei typiske turistmagnetane og nokre meir bortgøymde naturskattar på Sør-Island.

Alle bidragsyterane denne kvelden kan tenke seg å reise tilbake til Island, og vil anbefale dei som ikkje har vore der, å ta seg ein tur. At Island har mykje å by på, både når det gjeld natur og historie, er det ikkje tvil om.

Etter presentasjonane var det gjennomgang av bilda i 2. runde i klubbkonkurransen. Tema var vennskap - kanskje ikkje det enklaste å formidle gjennom foto. Av dei 16 bilda som var innkomne, var det følgjande fem som kom på resultatlista. 1.plass ”Bestevenner” av Monica Elise Vestre, 2. plass ”Sisters”, Kenneth Enstad, 3. plass "Friends on ice”, Kenneth Enstad 4. plass ”Søstre” Monica Elise Vestre, 5. plass «Venskap», Elin Parr.

TING I TIDEN Til slutt nokre påminningar om diverse aktuelle saker.

Neste runde i klubbkonkurransen har tema Stilleben, innlevering 4. desember

Neste klubbmøte er torsdag 12. desember Dette blir ein aktiv fotokveld.

Julebord for klubbmedlemmane på Fagerheim fredag 13. desember.

Ny flott fotobok, Art of Sunnmøre, - tre av medlemmane i Skodje fotoklubb har med bilde her; Geir Jartveit, John Colbensen og Kenneth Enstad.

Tekst: Hilde Sørdal

Veiledningi praksis. Bård Løken forklarar korleis bildet kan gjerast betre. Signe, Jon og Bjarne føl ivrig med. Foto: Arnold Hoddevik

Takk for ei strålande fin helg. Primus motor for workshopen, John Colbensen takkar Bård Løken for innsatsen. Foto: Arnold Hoddevik

Parti frå Alnes. Vått og surt, men det gir ofte eit godt lys. Foto: Arnold Hoddevik

Endelig var helga der. Den kjende naturfotografen Bård Løken var invitert til å ha workshop i Skodje, og det var enorm pågang. I løpet av 1,5 timar var det fullteikna, så vi måtte til med kreative løysingar for å få plass til fleire. Forventingane var store då 24 deltakarar benka seg fredag 25.10.

Bård innleia helga med ei framvising av nokre av sine bilde fredag kveld. Laurdag var alle deltakarane ute i regnveret på Alnes, og prøvde etter beste evne å praktisere det Bård hadde lært bort fredag kveld. Søndag gjekk med til utvelging og redigering av bilda. Kvar deltakar fekk vise fram dei aller beste bilda frå laurdag, og fekk konstruktiv kritikk frå Bård og dei andre.

Bård Løken er ikkje som mange andre naturfotografar. Han likar ein sakte stil, og brukar alltid stativ. Det gir han ro, og han kan studere eit motiv frå mange vinklar. Han likar godt å jobbe med vatn, noko vi fekk sjå under fotogrferinga ved Alnes.

Lys er avgjerande, og det er viktig å sjå etter lysforhold og fargekombinasjonar. Dra gjerne andre plassar til andre tider enn alle andre. Det gir deg bilde som ikkje alle andre har, og det kan av og til dukke opp noko spesielt. Det er ikkje alltid han finn det han dreg ut for å finne, men finn gjerne noko anna. Det er viktig å vere open.

Bård Løken vart godt motteken, og mange medlemmer vart veldig imponerte over det dei fekk sjå av bilde, og det dei fekk lære. Helga var ein stor inspirasjon for alle som var med.

Tekst: Arnold Hoddevik

Godt å varme hendene. Foto: Arnold Hoddevik

Komponist Kjell Flem og tekstforfattar Agnes Kjellesvik Aasen. Foto: Arnold Hoddevik

Hilde Louise Asbjørnsen. Foto: Arnold Hoddevik

Oktobermøtet var sett opp med Fotografiets historie som tema. På grunn av uføresette, alvorlege omstende måtte dette temaet gå ut.

Det var arbeidd iherdig med å få i stand ei god erstatning. M.a. vart Nordic Light invitert, sidan dei hadde invitert seg sjølve til Sunnmøre. Dessverre vart dette ikkje noko av, så temaet vart derfor ei overrasking. Var dette årsaka til at berre 10 medlemmer møtte, eller...? Eg trur dei andre gjekk glipp av noko.

Arrangementsfoto og teknisk kvarter vart tema. Etter kvart vart det også diskusjon omkring den sosiale kulturen eller ukulturen i klubben.

Arnold Hoddevik viste bilde og fortalde om fotografering under arrangement. Fjord Cadenza 2013 vart brukt som eksempel, og det vart vist bilde frå mange av konsertane, både opningskonserten, solistkonkurransen, intimkonserten på hotellet på Glomset, avslutningskonserten, osv.

Der er spennande å dekke arrangement på denne måten, men også utfordrande pga lyssettinga. Det er godt å ha eit kamera som kan fotografere bra med høg ISO, noko fleire av dei nyare kamera klarar godt. Det er også godt å ha eit bra objektiv, men du treng ikkje lange brennvidder. Normalzoom eller fast brennvidde er oftast nok.

Eit overraskande øyeblikk oppsto framfor peisen på Glomset, då ein av musikarane sette seg ned og varma hendene framfor elden - eit magisk øyeblikk.

Den mest interessante kunstnaren var Agnes Kjellesvik Aasen, som hadde skrive eit avskjedsdikt til mor si. Dette hadde fenga komponisten Kjell Flem, som sette musikk til diktet. Ålesund kammerkor framførte verket, etter at Aasen først las diktet. Det var umåteleg kjekt og interessant å snakke med og fotografere denne dama.

Den artigaste personen eg fotograferte under Fjord Cadenza i 2013, var nok Hilde Louise Asbjørnsen, fordi ho var så visuell og strålande på cena.

Under det tekniske kvarteret vart fleire sider ved bildebehandling drøfta, spesielt bruk av Lightroom. Fleire fekk ei viktig ahaoppleving knytt til sikkerheitskopiering.

Tekst: Arnold Hoddevik

Besøkande vurderer bilde. Foto: Arnold Hoddevik

Heaven - frå Jökulsarlón. Foto: Monica Elise Vestre

Den store kunst- og handtverksmessa på Vatneeidet blir i år arrangert for 24. gong. Messa er populær i vide krinsar, og arrangør er Tennfjord Skulekorps. Utstillarar av både handtverk og forskjellig kunst kjem frå mange plassar for å stille ut og selje kunsten sin her.

I år stiller Monica med ein serie bilde frå turen ho tidlegare i haust hadde til sagaøya Island. Island er ei vulkansk øy, så landskapet er sterkt prega av dette. Øya er også kjendt for sine varme kjelder, der du mange plassar kan bade året rundt.

På bilda ho presenterte frå turen, kunne du sjå den blå lagune, fossefall med irrgrøne lier omkring, slik som Seljalandsfoss og Hraunfossar, og kystlandskap, som Jökulsarlón og Dyrhólaey. Spesielt var det å sjå isblå brerestar på den svarte stranda. Dette fenomenet oppstår somme plasser, når sjøen fell og isklumpane føl med vatnet ut mot sjøen. Nokre blir då liggande att på stranda, og skaper desse spesielle og flotte kontrastene.

Monica hadde også med seg bilde frå norske landskap og natur, og fortalde meg at ho var bra fornøgd med messa. Fleire bilde var allereie selde.

Klubben har vore representert på messa før: Monica har vore med fleire gongar og i 2011 hadde også John ei stor utstilling der.

Tekst: Arnold Hoddevik

Bildekveld med diskusjon rundt bordet. foto: Arnold Hoddevik

Diskusjon og humor rundt bordet. foto: Arnold Hoddevik

Torsdag 3.10. var det bildekveld med innleveringav bilde til NM i Foto 2014. Kvelden var samtidig oppstart for ei ny gruppe i klubben, for dei av medlemene som ønskjer å satse på å delta i konkurransar både nasjonalt og internasjonalt. Aktivitetane i denne gruppa kjem i tillegg til andre klubbaktivitetar.

15 medlemmer møtte fram til bildekvelden, og mange hadde også med seg bilde som skal sendast inn til NM. Klubben skal sende papirbilda samal til konkurranseutvalget i NSFF, slik at dei er framme seinast 15. oktober. Bilde som skal delta i klassane for projeksjon, dvs kun digitalt, kan sendast inn til NSFF fram til fristen den 15.10.

NM har tre klasser, voksne, ungdom opp til 25 år og ungdom opp til 18 år. Ungdom kan delta gratis, mens voksne må betale 100 kroner, innbetaling gjennom nettbutikken til NSFF. Du kan logge på og levere digitale bilde til NM ved klikke her. Lenkene til innlevering finst i høgre del av skjermbildet du kjem til.

Mykje av kvelden gjekk med til korleis deltakarane i ei konkurransegruppe kan hjelpe kvarandre til å skape betre bilde gjennom konstruktiv bildeanalyse og gjensidig oppmuntring og kritikk. Deltaking i konkurransar fremmer tenking om kva som er eit godt bilde, og øver opp den enkelte til å bli meir bevisst på korleis utgangspunktet for etterbehandling kan bli best mulig.

Gruppa er open for klubbmedlemmer som ønskjer å satse og bidra kontruktivt, og satsar på å ha møte ein gong i månaden.

Tekst: Arnold